Charter Document - 04870028
| Charter Number: | 04870028 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1164 |
| Date type: | Assigned |
| Resource Link(s): |
Cartulaires d'Île-de-France |
Charter:
Alexander episcopus servus servorum Dei venerabili fratri episcopo et dilectis filiis universo capitulo ecclesie Sancte Crucis Aurelianensis salutem et apostolicam benedictionem Quociens aliqua digna memoria ad Apostolice Sedis presentiam perferuntur justum est et rationi conveniens quod ea literarum fidei commendentur ut habeat secutura posteritas quid de gestarum rerum teneat veritate Inde est quod universitati vestre presentium significatione volumus innotescat quod dilectis filiis nostris Herberto ecclesie vestre archidiacono Guarino archipresbytero et Gilone milite de Loriaco in nostra presentia constitutis post multam commonitionem nostram idem Gilo de Arebrachio et de Loriaco ecclesias quas ex prava et antiqua illa consuetudine jure hereditario possidebat libere et absolute in nostris manibus refutavit et universo juri quod in eis se habere dicebat penitus abrenuncians ipsas tactis coram nobis sacrosanctis evangeliis abjuravit et liberas in posterum ecclesie vestre reliquit Datum Senonis XIII kal augusti