Charter Document - 04870027
| Charter Number: | 04870027 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1168 - 1169 |
| Date type: | Assigned |
| Resource Link(s): |
|
Charter:
Alexander episcopus servus servorum Dei dilectis filiis decano et capitulo Aurelianensi salutem et apostolicam benedictionem Pro ecclesiarum incremento pariter et augmento sollicite debemus satagere et earum rationabiles constitutiones et consuetudines conservare Suggestum est siquidem nobis quod in ecclesia vestra communiter est statutum ut nullus canonicorum vestrorum de beneficiis ecclesie ultra XX et V solidos annuatim recipiat nisi qui fuerit in ejusdem ecclesie servitiis assiduus Quam utique constitutionem salvis prebendis quas in eadem ecclesia Cluniacense monasterium aut alia religiosa domus antiquitus habuit ratam et firmam habentes eam auctoritate apostolica confirmamus et robur de cetero perpetue firmitatis tenere sancimus statuentes ut nulli omnino hominum liceat hanc paginam nostre confirmationis infringere vel ei aliquatenus contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Beneventi II kal julii