Charter Document - 04870002
| Charter Number: | 04870002 |
|---|---|
| Cartulary Title: | Cartulaire de Sainte-Croix d'Orléans |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1127 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Ego Johannes Dei gratia Aurelianensis episcopus notum fieri volumus cunctis fidelibus tam futuris quam et instantibus quod canonici Sancte Crucis cum habeant in curia nostra quandam aream cum domibus in loco qui vulgo dicitur Tanuz orientali muro civitatis adherentibus et ad jus eorundem canonicorum pertinentibus communiter adierunt presentiam nostram humiliter deprecantes ut quandam particulam curie nostre ad episcopatum pertinentem que sita est intra supradictas domos et septentrionalem murum civitatis in angulo habens in longitudine pedes manuales sexaginta et quindecim et in latitudine totidem eis in perpetuum concederemus Et cum ipse domus predicte per curiam nostram consuetudinarium introitum vel exitum habeant deprecati sunt etiam nos ut licentiam faciendi in muro posterulam ducentem ad orientem ad egrediendum vel ingrediendum insuper et de ipso muro sive in figendis trabibus sive in super edificandis parietibus sive in aliis hujusmodi quecunque ad edificationem ipsarum domorum necessaria essent quantum ad episcopatum pertinebat eis concederemus Quod ita et fecimus et ne posset oblivioni tradi scripto commendavimus et ne a posteris infirmari sigilli nostri auctoritate confirmari fecimus S Johannis episcopi + S Stephani decani S Philiberti precentoris S Archembaldi subdecani S Bartholomei capicerii Actum Aurelianis civitate in capitulo Sancte Crucis anno incarnati Verbi MCXXVII regnante Ludovico rege anno XVIII