Charter Document - 04860099
| Charter Number: | 04860099 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1199 |
| Date type: | Internal |
| Resource Link(s): |
|
Charter:
Nivelo Dei gratia Suessionensis episcopus omnibus ad quos littere presentes pervenerint salutem in Domino Notum facimus presentibus et futuris quod Petrus miles de Plesseio religionis habitum suscipiens in ecclesia Loci Restaurati eidem ecclesie contulit in elemosinam duos modios bladi ad mensuram de Crispeio in terragio de Plesseio singulis annis percipiendos et terram suam quam habebat in loco qui dicitur Cultura Frambout sitam intra terras ipsius Ecclesie et plenum usagium in nemoribus et pascuis suis omnibus de Plesseio excepto loco qui dicitur Pruele predicte Ecclesie donavit libere et quiete in perpetuum possidenda Ad hec omnia plenum prebuerunt assensum Hugo frater predicti Petri et filii ejus Guido et Egidius et Willelmus et gener ipsius Odo Pisseleu et Bartholomeus de Bergni Et quod omnia [] observari [] faceret Hujus rei testes et plagii fuerunt Renardus et Eustachius de Ruissi prepositi de Crispeio Preterea testes fuerunt Elinandus abbas et totus conventus dicti loci [] Thomas sacerdos de Pisseleu et alii sacerdotes et tota parrochia de Wlecheniis Anno MC nonagesimo nono