Charter Document - 04860098
| Charter Number: | 04860098 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1192 |
| Date type: | Internal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Amen Ego Gaufridus Ecclesie beati Arnulfi de Crispeio prior et ejusdem Ecclesie conventus tam futuris quam presentibus notum fieri volumus quod quondam positionem inter ecclesiam nostram et ecclesiam Beate Marie Loci Restaurati de decimationibus nostris et suis hoc modo in perpetuum tenendam fecimus Videlicet quod Fratres ecclesie Loci Restaurati omnem decimationem que est de larriz Summevallis de Correi et de monte Herlemer et de Bus Roberti usque ad terram sancti Medardi et de omnibus rebus a quatuor istis terminis usque ad aquam Quas propriis manibus et sumptibus laborabant sive de nutrimentis animalium a die qua pax ista facta est in pace possidebunt Exemptis V arpentis de terra Johannis de Bonolio de quibus decima Ecclesie nostre remanet Debent predicti Fratres ecclesie nostre singulis annis xii sextaria vini in vendemia ad mensuram Bonolii persolvenda Secundum vero quod ecclesia nostra omnem decimationem ultra viam que ducit de Haramonte ad Berval qui juris illorum erat in larriz et in fructicibus de Menodi piro et in fructicibus qui sunt inter duas terras et in vineis in perpetuum possidebit preter boseum de quo bosco decima eorum est Ut autem hec pactio [] Actum est hoc anno [] MC nonagesimo ij