Charter Document - 04860096
| Charter Number: | 04860096 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1179 |
| Date type: | Internal |
| Resource Link(s): |
Cartulaires d'Île-de-France |
Charter:
In nomine Patris et Filii et Spiritus Sancti Notum habeat tam futura successio quam presens hominum generatio quod ego Stephanus Dei gratia Ecclesie beati Reguli Silvanectensis decanus assensu totius capituli nostri universam decimam quam in territorio de Fenix possidebamus Ecclesie Loci Restaurati perpetuo possidendam adamussim concedimus Eo tenore quod ab ejusdem Ecclesie fratribus XVII mira mediocris annue ejusdem decime et VIII mira avene in festo beati Martini in horreo de Holdrival ad mensuram granarii abbatie de Morneval que tunc temporis erat nobis persolventur annuatim et ut in posterum omnis de territoriis sopiatur contestatio rem ipsam breviore terminantur compendio limitandis territoriis metam imponimus que Pieruire dicitur usque in Holdrival et ubicumque in territorio de Fenix decimatis adjacet hujus captioni protenditur Accepit preterea Ecclesia Loci Restaurati decimam decem arpennorum preter illam que antea ibi possidebat de terra que dicitur de Freheri inter predictum vicum et Ulmum de Fresnoy positorum Et sic utraque ecclesia jus proprium quod in territorio de Fresnoy antiquitus possidebat denuo pro parte perpetualiter possideat Nos autem ut pactio ista firma et rata [] Auctoritate sigilli nostri confirmavimus [] Actum anno MCLXXIX