Charter Document - 04860093
| Charter Number: | 04860093 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1156 |
| Date type: | Internal |
| Resource Link(s): |
Cartulaires d'Île-de-France |
Charter:
In nomine Patris et Filii et Spiritus Sancti Amen Amalricus per misericordiam Dei sancte Silvanectensis Ecclesie minister dilecto filio Haimoni venerabili abbati Loci Restaurati et Ecclesie sue et fratribus qui cum eo sunt tam presentibus quam futuris in perpetuum Episcopalis officii interest pauperibus ecclesiis providere et necessitatibus fratrum debitam impendere sollicitudinem Siquidem illustris Viromandorum Radulfus comes ecclesiam Loci Restaurati a fundamento a propriis sumptibus edificaverat Et quibusdam sue largitatis dotaverat beneficiis Inter que postremo universam decimam de Fenelicis que de suo feodo ab antiquo descendebat a militibus redemptam et penitus absolutam in manu Petri tunc temporis Silvanectum Episcopi cum satisfactione reddidit Et predicte Ecclesie ab eo devotissime donari postulavit Cujus juste petitioni debitum prout dignum fuerat et assensum prebuit et effectum hujus decime sextam partem que Samsoni de Martieio contingebat Laudantibus filiis ac filiabus suis et Radulfo Guillelmo in manu nostra reddituram Ecclesie Loci Restaurati concessimus Simili modo de sexta parte ejusdem decime que de feodo Albrici de Meromonte descendebat ipso laudante et uxore sua ac filia ejus factum est Tibi igitur abbas venerabilis Haimo et ecclesie tue Loci Restaurati tuisque successoribus in perpetuum partes predictas ejusdem decime per presentem cartam assensu archidiaconi nostri Petri in eterna et libera possessione tenendam contradimus [] Anno MCLVI Signum Americi Silvanectensis episcopi S Desiderii abbatis Caroliloci et Haimonis abbatis Loci Restaurati S Fulberti cognomento Militis