Charter Document - 04860089
| Charter Number: | 04860089 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1138 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Ego Goslenus dei patientia Suessorum vocatus Episcopus L venerabili Cassiacensis Ecclesie abbati omnibusque successoribus ejus canonice substituendis imperpetuum Beneficiis que ex munificentia principum religiosis conferuntur ecclesiis congaudere ea denique Ecclesiasticis communire instrumentis par est Ea propter Luca fili in Christo carissime dona que Viromandorum comes Radulphus tibi tuisque successoribus ob remedium animarum sui suorumque predecessorum et successorum in perpetuum concessit sigilli nostri impressione communiri dignum duximus Hec scilicet terram arabilem de Bonolio que ad dominicatum comitis pertinebat Terragium quoque quod ibi habebat eo tenore quod si rustici eam terram colere desistant ad proprietatem fratrum libere revertatur pascua quoque et terram incultam et cursum aque ad faciendum molendinum concessit Preterea addidit quatenus usui predictorum canonicorum cederet Necnon et in posterum quicquid in nemoribus suis eis esset necessarium Si quis igitur ecclesiastica secularisve persona hanc nostre auctoritatis institutionem temerario ausu irritare vel destruere voluerit semel secundo tertiove ammonita nisi resipuerit et satisfecerit divine ultione subjaceat Hoc autem factum est Anno MCXXXVIII Dominice Anno regnante Ludovico Ludovici regis filio H vero regni ejus anno