Charter Document - 04860077
| Charter Number: | 04860077 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1308 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Phillipus dei gratia Francorum Rex Notum facimus universis tam presentibus quam futuris quod nos religiosis mulieribus dilectis nostris in Christo abbatisse et conventui monasterii Morgnevallis divine pietatis intuitu ob nostre clare memorie Johanne quondam Francie et Navarre regine consortis nostre karissime ac predecessorum nostrorum animarum remedium et salutem duximus concedendum quod ipse singulis annis omni que tempore tempore fetuum duntaxat excepto in foresta nostra Cuisie Triginta porcos ponere positos que tenere et habere liberos et immunes a prestatione cujuscumque panagii vel coustume imperpetuum valeant pacifie et quiete Dantes custodibus et servientibus foreste predicte modernis et qui pro tempore fuerint tenore presentium in mandatis ut religiosas predictas de cetero presentis concessionis nostre gratia omni impedimento cessante permittant absque alterius mandati expectatione gaudere Salvo in aliis jure nostro et in omnibus quolibet alieno Quod ut perpetue stabilitatis robur obtineat presentes litteras sigilli nostri fecimus impressione muniri Actum Parisiis anno domini millesimo trecentesimo octavo mense februario