Charter Document - 04860059
| Charter Number: | 04860059 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1250 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis magister Albericus de Fontenis officialis Suessionensis salutem in domino Noverit universitas vestra quod in presentia curie Suessionensis propter hoc constitutus Johannes filius Hellini canonicus Morgnevallis recognovit se dedisse et concessisse in puram et perpetuam elemosinam Ecclesie Morgnevallis quandam aream et quandam peciam vinee quam habebat et possidebat in loco qui vocatur le Courtille et quas tenebat ab Ecclesia memorata ipsi Ecclesie imperpetuum possidendas Mediantibus undecim minis avene ad mensuram de Morgnevalle quas ipsa ecclesia in villa de Morgnevalle ipsi Johanni quamdiu vixerit solvere tenebitur annis singulis nomine pensionis promittens idem canonicus fide prestita corporali quod contra dictam collationem seu concessionem non veniet de cetero per se vel per alium nec in dicta area et vinea aliquid juris imperpetuum per se vel per alium reclamabit nec queret artem vel ingenium per que dicta Ecclesia non possit de predictis area et vinea gaudere pacifice et quiete et predicta pensio prefacto canonico ab ipsa Ecclesia solvetur annuatim a festo sancti Remigii proximo venturo quamdiu vixerit sicut superius est expressum In cujus rei testimonium presentes litteras sigillo Suessionensis curie duximus roborandas Datum anno millesimo ducentesimo quinquagesimo mense decembri