Charter Document - 04860058
| Charter Number: | 04860058 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1249 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis H monasterii beati Johannis in bosco Cuisie Dei permissione humilis abbatissa totus que ejusdem loci salutem in Domino Noverint universi quod cum Petrus dictus Boistiaus quondam presbiter de Petrafonte quandam peciam terre site in loco que dicitur Haya de Rest nobis in eleemosinam legavisset que terra movet de domanio beate Marie de Morgneval et de eadem ecclesia tenetur et quia dicta Ecclesia sufferre nolebat quod nos dictam terram teneremus ne in manum mortuam vertetur Tandem inter nos in hunc modum est pacificatum quod dicta Ecclesia de dicta terra tres arpentos et tres quarterios ex communi assensu nostro imperpetuum possidebit et nos residuum terre dicte de assensu dicte Ecclesie in manum mortuam possidebimus salvis redditibus qui eidem Ecclesie pro dicta terra debentur et omni justitia que potest et debet illis de jure pertinere eo modo quod si laicus eam teneret nec dictum monasterium ad ponendam dictam terram extra manu nostram poterint cohercere In rei cujus testimonium presentes litteras dicto monasterio beate Marie de Morniaval tradidumus sigillorum nostrorum tenore roborate Actum anno domini millesimo ducentesimo quadragesimo nono mense Martio