Charter Document - 04860049

Charter Document - 04860049


Charter Number: 04860049
Cartulary Title: Cartulaire et censier de l'Abbaye Notre-Dame de Morienval
Charter Language: Latin
Charter Origin: Royal
Charter Type(s): Decree
Date: 1235
Date type: Internal, A.D.
Resource Link(s):

Charter:

Ludovicus dei gratia Francorum Rex Custodibus foreste Resti salutem Nobis conquerendo monstravit dilecta in Christo abbatissa Morgnevallis quod vos ipsius animalia ire non permittitis in pasturagia et domania sua ad que ut dicit ire consueverunt a temporibus clare memorie Philipi avi nostri et Ludovici genitoris quondam Regum Francie et nostra tempore usque modo unde vobis mandamus quatinus ejusdem abbatisse animalia mitti permittatis ad illa pasturagia et domania sua eo modo quo tempore dictorum predecessorum nostrorum et nostro tempore hactenus ire ad eadem consueverunt quo usque mandatum aliud audieritis a nobis Actum apud Parchum anno domini millesimo ducentesimo trigesimo quinto mense julio