Charter Document - 04860038
| Charter Number: | 04860038 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1213 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Stephanus archidiaconus et ego Petrus cantor beati Reguli et ego Hugo de Chambeli canonicus Silvanettensis notum facimus presentibus et futuris quod cum causa inter ecclesiam beate Marie de Morgneval ex una parte et Johannem Justiciarium de Nigella ex altera super possessione quatuor modiorum bladi ex delegatione domini Pape appellatio esset inhibita frustatorie appellavit Nos vero hujus modi appellationi non defferentes testes ecclesie super possessione predicti bladi altera parte citata et contumaciter absente recipimus attestationes publicavimus Tandem predictum Johannem Justiciarium ut sententiam auditurus coram nobis compareret citavimus Quo contumaciter absente habito bonorum virorum et juris peritorum consilio deffinitive sententiando possessionem predicti bladi ecclesie beate Marie de Morgneval adjudicavimus In cujus rei firmitatem presens scriptum sigillorum nostrorum munimine fecimus roborari Actum anno gratie millesimo ducentesimo decimo tertio mense junio