Charter Document - 04860036
| Charter Number: | 04860036 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1210 |
| Date type: | Assigned |
| Resource Link(s): |
Cartulaires d'Île-de-France |
Charter:
In nomine sancte et individue trinitatis Willelmus de Mellou tam modernis quam posteris salutem imperpetuum Quum humana natura fragilitati subjacet perutile duximus scripture testimonio confirmare que fallacia oblivionis vel alicujus corrosione emula possint diminui vel penitus dessolvi Ego Guillelmus Castellanus Royensis et dominus de Praviller hominibus meis de Praviler exactionem sive mavis collectam quam singulis annis in villa predicta facere consuevi absolutam et liberam clamavi Tamen sub hac pactionis diffinitione prefinita ut quotannis determinate ad festum sancti Remigii XX libras ad me et ad heredem meum quicumque sit debeant redire insupra noticie subjaceat omnium me recepisse XXV libras et Ermentrudim uxorem meam pro consensu LX solidos recipisse Reginaldus et Petrus filii mei idem concesserunt ut ex omni parte supra nominata assignatio muniretur Ego equidem jurejurando et fidei pignore ut incommutabile et inconvulsum permaneat pactum me ipsum obligavi et si aliquis inclinare vim pacti et seriem turbare presumpserit se subjectum esse anathemati me sic jubente cognoscat Addimus etiam quod ipsi homines de Parviler super colligenda collecta nullo forinseco apponente manum nisi pro exequenda justicia sollicitabantur et ad precepta castellani quicumque sit collecta reddatur Hec nomina testium litterarum apicibus annotamus Fulco de Duniwus Libertus de Rund Andreas prepositus de Parviler Galdrifus presbiter ejusdem ville Petrus judex Robertus major Odo Baibol Godcelinus de Frainoy Gamelun Robertus Poer Robertus Salenben Godefridus Hubertus Rufus Robertus filius Gamelun Willelmus filius prepositi Anculfus filius Odonis Baibol