Charter Document - 04860030

Universis presentes litteras inspecturis Guillelmus miseratione divina Ambianensis episcopus salutem in domino Cum nuper ecclesia parrochiali de Parviller nostre diocesis per mortem domini Johannis dicti de Ponte Episcopi quondam ejusdem parrochialis ecclesie curati vacante religiosa mulier abbatissa monasterii beate Marie de Morgnevalle Suessionensis diocesis ad dictam parrochialem ecclesiam ad ejusdem abbatisse presentationem notorie spectantem nobis Joannem Marlart de Franseriis clericum presentasset Et nos non obstante presentatione predicta ex parte dicte abbatisse nobis pro dicto Johanne facta dilecto capellano nostro Symoni de Roboreto presbitero dictam parrochialem ecclesiam contulissemus et ipsum in eadem de facto instituisse mus predicta abbatissa hoc ignorante et quod dictum Symonem supra dicta ecclesia parrochiali nobis presentaret minime requisita quod quum presentatio ejusdem parrochialis ecclesie ad eandem abbatissam spectare noscatur nobisque datum sit intelligi quod eadem abbatissa dicat et consideret premissa facta fuisse et attemptata in ejusdem abbatisse dicti monasterii etiam ac juris sui patronatus prejudicium et gravamen Noveritis quod nos ex collatione et institutione predictis ex dicta parrochiali ecclesia eidem Symoni ut predicitur factis nolumus aliquod jus nobis aquiriri aut predicte abbatisse seu ejus monasterio prejudicium generari Nos vero jus ejusdem abbatisse et dicti monasterii supra premissis omnibus et singulis ac etiam in vacationibus dicte parrochialis ecclesie volentes illesum modis omnibus observari et ne prenominata abbatissa propter collationem et institutionem predictas de nobis materiam habeat conquerendi fecimus per dictum Symonem dictam parrochialem resignari et sic dicta ecclesia parrochialis libere resignata presentationem ejusdem ad memoratam abbatissam duximus remittendam Quidquid autem contra dictam abbatissam ejus etiam monasterium et jus sui patronatus quantum pertinet ad omnia premissa et singula fuerit attemptatum seu factum revocantes penitus et expresse In cujus rei testimonium sigillum nostrum presentibus litteris duximus apponendum Datum anno domini millesimo ducentesimo quarto die veneris post octabam beati Martini hyemalis