Charter Document - 04860025

Ego Gaufridus dei gratia Silvanettensis episcopus Noverint tam presentes quam futuri quod cum ecclesia beati Reguli Silvanettensis et monasterium de Morgneval de terris in territoriis jam dicte ville et diversarum villarum circa eandem villam consistentibus decimam communem haberent ita quidem quod in ea idem monasterium duas partes ecclesia autem beati Reguli tertiam partem ibidem reciperet Quum supra his emergentibus causis varie sepius quod nec ecclesias nec ecclesiasticas personas decet inter eos questiones et dissensionum cause oriebantur predicte ecclesie canonici Petronille illus monasterii abbatisse et sanctimonialibus ibidem deo deservientibus tam futuris quam presentibus in perpetuum et per eas ipsi monasterio quicquid habebant in predicta decima que ipsis communis erat ubicumque sit sub annua et certa pensione septem modiorum frumenti et trium et dimidii avene ad mensuram videlicet granarii beate Marie de Morgneval singulis annis usque ad festum beati Martini solvendorum concesserunt possidendam Salva tamen pensione bladi que a fratribus Loci Restaurati in grangia eorum de Houdrival annuatim eisdem canonicis antea solvebatur et decima vini in qua cum eisdem sanctimonialium de Fresnoy predictum granum persolvetur Si quid autem solutioni defuerit quod ibidem de decima inveniri non possit in grangia earum de Monte juxta estimationem et valorem predicti grani reddetur quod fuerit residuum Preterea singulis annis ante augusti initium famulus qui custos erit grangie de Fresnoy et alii qui decimam ad grangiam adducent canonicis vel nuncio eorum quem ad hoc ad Morgneval destinaverit fidelitatem facient et prestito sine fraude et dolo juramento firmabunt quod prefata decima nec per eos nec per aliquem alium sub eorum conscientia aliquam recipiet pejorationem seu detrimentum Ceterum si terre ad vineas redierint canonici sicut et in aliis vineis que ejus decimationis sunt tertiam partem recipient Si vero vinee ad agriculturam forte revertantur decimam earum sub prenominate pensionis titulo sine aliquo incremento canonicis exhibendo memoratum habebit monasterium Quod ut ratum sit et maneat inconcussum nos exinde ad preces utriusque partis presentem fecimus cartam sigilli nostri munimine roboratam Actum Silvani in claustro nostro quinto nonarum maii anno domini millesimo centesimo nonagesimo primo astantibus Stephano decano predicte ecclesie beati Reguli Johanne Bulla Galtero de Ver Arnulpho diaconis et canonicis Petro de Brayo Ansoldo Martino subdiaconis Willelmo Rotondo Radulpho Pralart beate Marie canonicis Ex parte monasterii de Morgneval Petronille abbatissa Ada thesauraria Agne cantorissa Fulcone de Gilocourt et Willelmo presbiteris et canopicis ejus monasterii Theobaldo Majore Anculfo Bonart Adam Rosel