Charter Document - 04860023
| Charter Number: | 04860023 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1190 |
| Date type: | Internal, A.D. |
| Resource Link(s): |
|
Charter:
In nomine sancte et individue trinitatis Ego Theobaldus Ambianensis dictus episcopus presentibus et futuris in communem volumus venire notitiam quod constituti in presentia nostra Robertus miles de Castello eam partem quam habebat in decima de Castel assensu uxoris sue et heredum suorum beate Marie de Morgneval per manum nostram in perpetuam elemosinam concessit cui concessioni dominus Bernardus de Morolio ad cujus eadem decima spectabat et uxor ejus et Bernardus filius eorum assensus concordites prebuerunt Hoc tamen idem Robertus sue concessioni adjecit quod de eadem decima ecclesia de Morgneval ecclesie sancti Taurini tres modios frumenti et dimidium avene illud etiam posterorum noticie sub trahi nolumus quod Domina Hersendis de Dyencourt dum ageret in extremis duos modios frumenti assensu Odonis militis filii ejus et Domini Symonis fratris sui pro anniversario suo memorate ecclesie de Morgnevalle per manum nostrum imperpetuam elemosinam assignavit qui annis singulis in agricultura quam Symon major de Diencourt hereditario jure excolendam suscepit sine contradictione recipientur Ut igitur hoc ratum existat presens scriptum sigilli nostri appensione confirmamus Actum est hoc anno millesimo centesimo nonagesimo