Charter Document - 04860007
| Charter Number: | 04860007 |
|---|---|
| Cartulary Title: | Cartulaire et censier de l'Abbaye Notre-Dame de Morienval |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1142 |
| Date type: | Internal, A.D. |
| Resource Link(s): |
|
Charter:
In nomine Patris et filii et spiritus sancti Amen Ego Symon dei gratia Noviomensis episcopus tam presentibus quam futuris in Christo fidelibus in perpetuum Maxima pastori ecclesiastico incumbit necessitas ut nominis sui virtutem diligenter attendat et quod ex injuncto sibi officio dicitur operum exhibitione sollerter compleat Debet siquidem omnibus et maxime domes icis fidei prout prevalet prodesse et ecclesiarum justis utilitatibus sui favoris studium exhibere Quocirca mi filia Cecilia abbatissa de Mornienval in domino plurimum dilecta altare de Oisin quod Symon de Manni jure antecessorum suorum laica manu usurpative tenuerat pro anima fratris sui Hermari in manu nostra werpitum ab eodem Symone tibi tuis que successoribus et sororibus tuis perpetuo possidendum canonice contradimus videlicet ut in eodem altari habeatis oblationes minutam decimam et terram ad dotem altaris pertinentem sane pro eodem altari nobis et ministris nostris respondebitis et singulis annis episcopo Novioniensi Syuodalia persolvetis Ut igitur hec nostra largitio firma et illabata permaneat pontificali auctoritate precipimus et perturbatorem hujus eleemosine ex accepta potestate excommunicamus est privilegium istud nostro sigillo corroboramus Hujus rei testes sunt suppositi S Balduini decani S Petri cantoris Silberti Capellani S Rogeri Diaconi S Gualberli Diaconi S Andre Canonici S Roberti Canonici S Gurrimondi Canonici S Nicolai Canonici Actum Novioni in presentia nostra anno ab incarnatione domini millesimo centesimo quadragesimo secundo