Charter Document - 04859075
| Charter Number: | 04859075 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1224 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Ludovicus Dei gracia Francorum rex universis ad quos littere presentes pervenerint salutem Noveritis quod nos inquiri fecimus diligenter quale jus et quale usuagium abbatissa et capitulum Montismartyrum debebant habere in nemore nostro de Roboreto pro se et hominibus suis de maisnilio sito juxta Sanctum Clodoaldum et nos ex inquisitione didicimus quod ecclesia Montismartyrum duas quadrigatas ramorum debet habere de ramis remanentibus post beati Dyonisii quadrigatam Dicti vero homines sui de maisnilio in dicto nemore nostro de Roboreto habent mortuum ramum ad acrochandum cum crocheto per mortuum nemus preterea habent brueriam et genestam in dicto nemore extra talleicia que se de bestiis deffendere non possunt habent eciam dicti homines pascua ad boves et vaccas in bosco quod de bestiis se deffendit Actum Parisius anno Domini MCCXX quarto mense Junio