Charter Document - 04850131
| Charter Number: | 04850131 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1493 |
| Date type: | Internal, A.D., Calendar, Papal |
| Resource Link(s): |
|
Charter:
Alexander episcopus servus servorum Dei dilectis in Christo filiabus abbatisse et conventui monasterii Montismartirum ordinis Sancti Benedicti prope Parisius salutem et apostolicam benedictionem Solet annuere Sedes Apostolica piis votis et honeste petentium precibus favorem benevolum impartiri Eapropter dilecte in Domino filie nostre justis postulationibus grato concurrentes assensu omnes libertates et immunitates a predecessoribus nostris romanis pontificibus sive per privilegia vel alia indulta vobis et monasterio vestro concessa necnon libertates et exemptiones secularium exactionum a regibus et principibus et aliis Christi fidelibus vobis et eidem monasterio vestro rationabiliter indultas sicuti ea omnia juste et pacifice possidetis vobis et per vos eidem monasterio auctoritate apostolica confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis et communitionis infringere vel ei ausu temerario contraire Si quis autem hoc attemptare presumpserit indignationem omnipotentis Dei ac beatorum Petri et Pauli apostolorum ejus se noverit incursurum Datum Rome apud Sanctum [] anno Incarnationis Dominice millesimo quadringentesimo nonagesimo tertio nonis Julii Pontificatus nostri anno primo