Charter Document - 04850109
| Charter Number: | 04850109 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1392 - 1393 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
Karolus Dei gratia Francorum rex universis presentes litteras inspecturis salutem Notum facimus quod cum a quadam sententia per prepositum nostrum parisiensem ad utilitatem religiosarum abbatisse et conventus Montismartirum prope Parisius et contra magistrum juratos et communitatem magne carnificarie parisiensis ratione possessionis et saisine levandi habendi et percipiendi per suas gentes et officiarios summam sexaginta librarum decem septem solidorum sex denariorum parisiensium annui et perpetui redditus super omnia stala et corpus dicte carnificarie ad dictam communitatem spectantia per manus dictorum magistri et juratorum aut deputatorum per eosdem ac summam viginti duarum librarum et octo solidorum novem denariorum parisiensium pro arreragiis ante inchoationem processus per dictos magistrum et juratos occasione dicti redditus dictis religiosis debitis et que pendente processu coram dicto preposito agitato obvenirent in quibus possessionibus et saisinis dicte religiose se esse et fuisse dicebant lata per quam dictus prepositus noster pronuntiaverat quod dicte religiose in possessione et saisina habendi capiendi et percipiendi quolibet anno super corpus dicte magne carnificarie parisiensis et super omnia stalla ejusdem ad dictam communitatem spectantia sexaginta libras decem septem solidos sex denarios parisienses redditus in dicto processu declarati manutenerentur et conservarentur dictos magistrum juratos et communitatem ad reddendum et solvendum dictis religiosis summam viginti duarum librarum octo solirum et sex denariorum parisiensium eisdem occasione arreragiorum dicti redditus ante inchoationem dicti processus debitorum et omnia arreragia que durante processu dicto obvenerant non obstantibus perturbationibus ac impedimentis per dictos magistrum juratos et communitatem in premissis appositis et ad cessandum de dictis perturbationibus et impedimentis et in expensis dictarum religiosarum comdempnaverat fuisset pro parte dictorum magistri juratorum et communitatis ad nostram parlamenti curiam appellatum auditisque partibus antedictis in dicta curia nostra in causa appellationis predicte processuque an bene vel male fuerit appellatum ad judicandum recepto eo viso et diligenter examinato per judicium predicte nostre curie dictum fuit dictum prepositum nostrum bene judicasse et dictum magistrum juratos et communitatem male appellasse Et emendabunt appellantes ipsos in expensis hujus cause appellationis condempnando earumdem expensarum taxatione eidem curie nostre reservata In cujus rei testimonium presentibus litteris nostrum jussimus apponi sigillum Datum Parisius in Parlamento nostro prima die Martii anno Domini millesimo trecentesimo nonagesimo secundo et regni nostri decimo tertio Sigillatum sigillo nostro in absentia magni ordinario