Charter Document - 04850106
| Charter Number: | 04850106 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | French |
| Charter Origin: | Religious |
| Charter Type(s): | Decree |
| Date: | 1372 |
| Date type: | Internal, A.D. |
| Resource Link(s): |
|
Charter:
Charles par la grace de Dieu roy de Navarre conte d'Evreux à noz bien amez Jehan Le Franc nostre tresorier en Normendie et Sevestre Colombi receveur de nostre conté d'Evreux et a chascun d'eulz salut L'abbesse et le couvent de Montmartre pres Paris par manière de supplication nous ont signiffié et donné entendre que il ont certaine rante chascun an sur nos molins de Pacy de laquelle leur est deu de reste de plusieurs années passées si comme il dient dont il nous desplaist sil est einssi Pour ce estil que nous vous mandons et estroitement enjoignons que a ladicte abbesse et couvent de Montmartre paiez ou faictes paier les restances qui leur sont deues du temps passé à cause de ladicte rante que il ont sur nos diz molins et deci en avant les faictes paier chascun an aux termes acoustumez Car einssi le voulons et nous plaist Donné en nostre Ville d'Olit le XX jour d'octembre l'an de grace mil CCC soixante et douze