Charter Document - 04850090
| Charter Number: | 04850090 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1245 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Officialis curie parisiensis in Domino salutem Notum facimus quod in nostra presentia constituti Johannes de Soreniis Ludovicus de Paciaco Nevelo dictus Morellus Johannes Baillet et Richardus dictus Turonicus recognoverunt se recepisse et se tenere ab abbatissa et conventu Montismartyrum ad censum capitalem videlicet dictus Johannes de Soreniis duo arpenta terre arabilis sita inter Autolium et nemus domini episcopi inter Bulancort et cheminum Parisius ad duodecim denarios capitalis census ad octabas Sancti Dyonisii ad Mensnilium persolvendos item alia quatuor arpenta terre in eodem territorio sita ad sexdecim denarios capitalis census dicto termino et dicto loco persolvendos item dictus Ludovicus sex arpenta terre arabilis in dicto territorio sita ad duos solidos capitalis census dicto termino et dicto loco persolvendos item dictus Nevelo quinque arpenta terre arabilis in eodem territorio sita ad viginti denarios capitalis census dicto loco et dicto termino persolvendos item dictus Richardus tria arpenta terre arabilis in eodem territorio sita ad duodecim denarios capitalis census dictis loco et termino persolvendos item Johannes Baillet tria arpenta terre arabilis in eodem territorio sita ad duodecim denarios capitalis census dicto loco et dicto termino persolvendos item recognoverunt dicti homines conventum et actum fuisse in assentatione earumdem terrarum inter eos et dictas abbatissam et conventum in eodem territorio pressorium habere Vindemia dictarum vinearum per banniam deferetur ad premendum ad illud pressorium ad tertium potum et sub isto onere recognoverunt se dictas terras ad dictum censum recepisse et tenere Preterea vero Johannes de Soreniis recognovit actum esse et conventum specialiter inter eum et dictas abbatissam et conventum quod predicta duo arpenta terre arabilis que se tenere ad duodecim denarios capitalis census prout dictum est superius confessus est coram nobis tenetur redigere ad culturam vinearum et plantare vineam in eisdem Ad dictum vero censum solvendum loco et termino supradictis et ad tenendum predictas conventiones dicti homines quamdiu easdem terras tenuerint et omnes illos ad quoscumque dicte terre in posterum devenerint obligantes coram nobis et promittentes fide in manu nostra prestita corporali quod predicta omnia tenebunt et in posterum fideliter observabunt quod autem audivimus hoc testamur salvo jure alieno Datum anno Domini MCCXL quinto mense Decembri