Charter Document - 04850088
| Charter Number: | 04850088 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1240 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis abbatissa Montismartyrum totusque ejusdem loci conventus salutem in Domino Notum facimus quod nos vendidimus unanimi voluntate domino Petro Bouvenelli militi imperpetuum pro quinquaginta solidis nobis solutis quinque solidos par annui redditus quos ecclesie nostre in elemosinam contulerat ob remedium defuncti Petri de Betesiaco militis pro anniversario dicti P in nostra ecclesia perpetuo celebrando Quictamus insuper Hemerico dicto de Aurelianis clerico et heredibus suis imperpetuum quicquid juris habebamus vel habere poteramus racione dictorum quinque solidorum vel alio modo in cultura sita in Marisiis inter Montemmartyrum et Parisios que dicitur cultura domine Aalipdis de Sancto [] et eciam quicquid juris habebamus vel habere poteramus racione preteritorum vel alio modo in herbetgagio et in appendiciis ejus sitis in dictis Marisiis que idem Hemericus emisse dicitur a domino Radulfo Bouvenelli milite et promittimus quod contra premissa de cetero nullatenus veniemus In quorum testimonium presentes litteras eidem Hemerico concessimus sigillorum nostrorum munimine roboratas Datum anno Domini millesimo ducentesimo quadragesimo mense Aprili