Charter Document - 04850087
| Charter Number: | 04850087 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1239 |
| Date type: | Assigned |
| Resource Link(s): |
Cartulaires d'Île-de-France |
Charter:
Universis presentes litteras inspecturis P humilis abbatissa Montismartyrum totusque ejusdem loci conventus eternam in Domino salutem Notum facimus quod cum dominus Radulfus Bovenelli miles et Richeldis ejus uxor ob remedium anime defuncti Petri de Betesiaco patris quondam dicte Richeldis nobis et ecclesie nostre viginti solidos annui redditus super granchia de Marisiis que fuit eorum que modo est Hemerici dicti de Aurelianis clerici in elemosinam contulissent ita quod eis liceret redimere pro undecim libris quocienscunque vellent si nobis predicte undecim libre solverentur ipsi postmodum Rodulfus et Richeldis volentes exonerare granchiam antedictam et dicto Hemerico eam liberam tradere nobis pro dictis viginti solidis undecim libras parisiensium per manum dicti Henrici tradi et solvi fecerunt et nos unanimi voluntate dictos viginti solidos annui redditus quitamus et eciam promittimus quod in dicta granchia seu pertinenciis ejus nichil reclamabimus in futurum In cujus rei testimonium presentes litteras eidem Hemerico tradidimus sigillorum nostrorum munimine roboratas mense Augusto