Charter Document - 04850086
| Charter Number: | 04850086 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1239 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Petronilla ecclesie Montismartyrum humilis abbatissa totusque ejusdem loci conventus salutem in Domino Noveritis quod nos dedimus et concessimus Ermesendi dicte Canpanie sorori et moniali nostre quadraginta solidos parisiensium percipiendas a dicta Ermesende singulis annis quam diu vixerit in furno nostro sito Parisius in magno vico qui vocatur la Hanterie quatuor terminis videlicet ad festum beati Remigii quartam partem ad Natale Domini quartam aliam partem ad Pascha aliam quartam partem et ad Nativitatem beati Johannis Baptiste aliam quartam partem pro viginti et duabus libris parisiensium jam nobis solutis in pecunia numerata Post vero decessum dicte Ermesendis Odelina de Severa monialis et soror nostra de dictis quadraginta solidis recipiet singulis annis quam diu vixerit dictis quatuor termidis viginti quinque solidos parisiensium residuum vero dictorum quadraginta solidorum videlicet XV solidi post decessum dicte Ermesendis capientur in dicto furno singulis annis ad pitanciam monialium dicte ecclesie pro anniversario defuncte Ysabellis de Chaverciaco sororis et monialis nostre faciendo in die anniversarii predicti Item post decessum dicte Odeline dicti viginti quinque solidi singulis annis ad pitanciam dictarum monialium pro anniversario defuncti Petri de Chaverciaco militis patris dicte Ermesendis devolventur in die anniversarii supradicti Omnia que in singulis continentur articulis nos bona fide firmiter et inviolabiliter observaturas promittimus et non contra venturas Quod ut ratum et firmum permaneat sigillorum nostrorum caracthere presentes litteras fecimus communiri Actum anno Domini MCC tricesimo nono mense Aprilis