Charter Document - 04850083
| Charter Number: | 04850083 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1237 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis Officialis curie Parisiensis in Domino salutem Notum facimus quod in nostra presentia constituta Genovefa filia Baldoyni les Chans defuncti recognovit se dedisse et concessisse in perpetuum post decessum suum in puram et perpetuam elemosinam monialibus de Montemartyrum pro pitancia earumdem monialium pro anniversario in remedio anime ipsius singulis annis in ecclesia earumdem monialium celebrando viginti etquinque solidos parisiensium incrementi census percipiendos singulis annis ab eisdem monialibus ad Nativitatem beati Johannis Baptiste quem censum dicebat dicta Genovefa se habere super medietatem cujusdam domus site Parisius ut dicitur super Magnum Pontem quam medietatem tenet ut dicitur Avelina de Meullento promittens fide media quod contra donationem predictam per se vel per alium non venient in futurum Datum anno Domini MCCXXXVII mense Julio