Charter Document - 04850080
| Charter Number: | 04850080 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1236 |
| Date type: | Internal, A.D., Feast |
| Resource Link(s): |
|
Charter:
Robertus abbas totusque conventus beati Vincentii silvanectensis abbatisse et conventui Montismartirum salutem in Domino Significamus vobis quod nos compositionem illam pacis quam dilectus frater noster Robertus prior de Auvers nobiscum de consilio prioris Sancti Lazari parisiensis super causam quam contra nos moveramus pro novalibus de Auvers laudamus volumus et approbamus et si forte amodo compositionis supradicte voluerimus resilire penam viginti librarum parisiensium que videlicet pena a prefato Roberto priore et a vobis statuta est parati sumus omnimodis sustinere In cujus rei memoriam presentes litteras conscribi et sigillorum nostrorum munimine fecimus roborari Actum anno gracie millesimo CCVI sabbato post Penthecosten