Charter Document - 04850079
| Charter Number: | 04850079 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1236 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis Christi fidelibus ad quos presens scriptum pervenerit Robertus abbas beati Vincencii silvanectensis totusque ejusdem loci conventus salutem in omnium Salvatore Notum facimus quod cum controversia esset inter nos ex una parte et abbatissam et conventum Montismartirum ex altera super decima quorumdam novalium sitorum in parrochia nostra de Auversiis tandem de bonorum virorum consilio inter nos amicabilis compositio intercessit talis videlicet quod nos eisdem abbatisse et conventui quittamus pacifice et quiete et in perpetuum quicquid nomine decime in novalibus jam factis in tota nostra parochia predicta et etiam in posterum faciendis dicebamus nos habere et etiam quicquid habere de eisdem novalibus poteramus nichil in eisdem nobis decime penitus retinentes et promittentes quod in eis nomine decime nichil reclamabimus in futurum nec per nos nec per alium impediemus easdem quominus ipse percipiant quiete et pacifice decimam novalium predictorum exceptis minutis decimis eorumdem novalium nobis retentis Dicte vero moniales in recompensationem quictacionis prefate nobis dederunt et concesserunt triginta libras parisiensium in utilitatem nostre ecclesie convertendas videlicet ad redditus comparandos In cujus rei testimonium et munimen presens scriptum sigillorum nostrorum impressionibus fecimus confirmari Actum anno Domini mil ducent tricesimo sexto mense Maii