Charter Document - 04850078
| Charter Number: | 04850078 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1231 - 1232 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Helissendis Montismartirum humilis abbatissa salutem in Domino Notum facimus quod nos statuimus et concessimus conventui nostro videlicet singulis monialibus tres solidos pro botis annuatim in festo Omnium Sanctorum capiendos de decem libris parisiensium quos habemus annui redditus in granchia nostra de Maresio quam retraximus de Canonicis beate Oportune viginti autem solidos de predictis X libris statuimus similiter et concessimus ad infirmarias supradicti conventus Statuimus insuper et concessimus ad sotulares emendos dicto conventui annuatim singulis duos solidos in Pascha sex libras parisiensium in annuo censu nostro de Barberi in octabis Omnium Sanctorum capiendas Et si contingeret quod predictam granchiam de Maresio nos in manu nostra vel quelibet alia abbatissa in sua teneret illa que teneret granchiam predictas X libras sicut premissum est ad facienda predicta solvere teneretur Preterea eidem conventui statuimus unam minutionem singulis annis in Nativitate beati Johannis faciendam et XXX solidos parisiensium capiendos annuatim de censu domus Florie quam emimus in vico Sancti Martini de Campis ad pitanciam annuatim nostro conventui die nostri anniversarii faciendam Et hec omnia fecimus de voluntate et assensu tocius nostri conventus qui cum nostro sigillo suum presentibus appendit sigillum ad majorem predictorum confirmationem Actum anno gracie MCCXXX primo mense Martio