Charter Document - 04850074
| Charter Number: | 04850074 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Helisendis Montismartirum humilis ministra totusque ejusdem loci conventus omnibus presens scriptum inspecturis Notum facimus quod Petrus hortolanus in presentia nostra constitutus resignavit et quitavit nobis convencionem marisci nostri et prebendam quam ei dederamus et concesseramus pro cultura dicti marisci Nos vero in recempensatione illius conventionis et quitationis dicti marisci et prebende dedimus et concessimus predicto Petro et Marie uxori sue et Marie corumdem filie unum arpennum marisci situm juxta arpennum Simonis Carpentarii ad censum XII denariorum singulis annis in Nativitate Sancti Johannis Baptiste ecclesie nostre reddendum quamdiu vixerint habendum et pacifice possidendum Post vero illorum et Marie filie sue decessum arpennus ille pro remedio animarum suarum libere et quiete absque ulla contradictione cum omni emendatione et melioratione dicti arpenni ad nos revertetur Quod utautem ratum sit et stabile sigillorum nostrorum munimine fecimus roborari Actum anno Domini MCCXXI mense Julii