Charter Document - 04850042
| Charter Number: | 04850042 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1185 |
| Date type: | Internal, A.D. |
| Resource Link(s): |
|
Charter:
Notum sit omnibus hominibus tam futuris quam presentibus quod dominus Ebroinus et uxor ejus Agnes et frater ejus Johannes de Gorneio vendiderunt domine Constantie Dei gratie Sancti Egidii comitisse quamdam domum quam habebant Parisius super magnum pontem sitam pretio centum quadraginta librarum et C solidorum parisiensium monete Hanc autem domum prenominata Comitissa pro animabus patris et matris sue et pro anima fratris sui Ludovici bone memorie Francorum regis et etiam pro redemptione anime sue in elemosinam contulit sancto hospitali de Jherusalem sub hac videlicet conditione quod procurator domus hospitalis parisiensis quicquid de predicta domo evenerit centum solidos capellano quem domina comitissa ecclesie Sancti Martirii que dicitur Monsmartyrum ibi constituet qui pro scriptis animabus et pro benefactoribus suis super altare sacrificium Domino obtulerit in Natali domini XXV solidos in Pascha domini XXV solidos in festo beati Johannis Baptiste XXV solidos in festo Sancti Remigii XXV solidos annuatim persolvet post obitum domine comitisse Capellano quem in predicto loco domina abbatissa Montismartyrum assensu totius Capituli sui posuerit predicti nummi dabuntur Ut autem hec in memoriam et testimonium habeantur etne malignorum hominum dolosa machinatione possint obnubilari Ego Rogerus de Molendinis Dei gratia hospitalis Hierosolimitani magister de consensu fratrum nostrorum presentem paginam annotari fecimus et sigilli nostri testimonio roborari precepimus Actum fuit hoc coram domino Mauricio parisiensi episcopo anno incarnati Verbi millesimo centesimo octuagesimo quinto videntibus et testantibus fratribus nostri in Gallia priore fratre Anselmo et fratre Petro parisiensi capellano et fratre Girardo parisiensi commendatore et fratre Petro nostro capellano et pluribus aliis quorum nomina subjicimus