Charter Document - 04850014
| Charter Number: | 04850014 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1147 |
| Date type: | Assigned |
| Resource Link(s): |
Cartulaires d'Île-de-France |
Charter:
Eugenius episcopus servus servorum Dei universis Dei fidelibus salutem et apostolicam benedictionem Officii nostri nos hortatur auctoritas venerabilia loca cum ipsis personis divino famulatui mancipatis diligere et fovere et eorum opportunitatibus paterna sollicitudine providere Inde est quod nos sanctimonialium de Monte martyrum necessitatem attendentes juxta petitionem earum anno ab incarnatione Domini MCXLVII kal Junii locum ipsum per presentiam nostram adivimus ibique Spiritus Sancti gratia invocata majus altare in honorem beatorum martyrum videlicet Dionysii Rustici et Eleutherii auctore Domino consecravimus Illis autem qui tum locum ipsum devotionis et pietatis intuitu visitaverunt vel de cetero in anniversaria die ipsius consecrationis visitaverint et de facultatibus sibi a Deo prestitis eisdem sanctimonialibus suas elemosinas largiti fuerint DCC dies injuncte penitentie confisi de beatorum apostolorum Petri et Pauli meritis indulgentias et eamdem indulgentiam scripti nostri pagina confirmamus Datum Meldis idibus Junii