Charter Document - 04850005
| Charter Number: | 04850005 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1134 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis amen Ego Ludovicus Dei misericordia in regem Francorum sublimatus notum fieri volumus cunctis fidelibus tam futuris quam presentibus quod pro remedio anime nostre et predecessorum nostrorum et prece et consilio karissime uxoris nostre Adelaidis regine in perpetuum donavimus ecclesie Sancti Dyonisii Montis martyrum et sanctimonialibus totam terram quam habebamus ego et Gervasius de Castello forti in loco quidicitur Pratellum Hilduini a via porte Galanni usque ad viam Celsi cui Gervasio concessimus pro commutatione partis sue vineam nostram quam habebamus subtus villam que vocatur Balneolum annuente uxore sua cognomine Cometissa cum liberis suis ipsius Gervasii privignis Item concessimus eisdem sanctimonialibus terram de Mirabel cum omni decima quam emimus ab Hugone Bibente liberam et quietam ab omni exactione Si quidem dedimus predictis sanctimonialibus annuente Ludovico filio nostro jam in regem sublimato omnem[] necnon et vicariam ipsius ville annuente Ansoaldo de Calli et ut ipsi hospites liberi sint et quieti ab omni equitatu et talia et exactione neque grueriam nullam reddant concedente hoc ipsum Hugone Lusco et uxore sua Luca liberisque eorum utque prefati hospites eamdem consuetudinem Parisius habeant quam hospites nostri de Balneolo habent Hec omnia superscripta tam libera eisdem sanctimonialibus et quieta concessimus ut nichil nobis neque heredibus nostris neque ulli hominum retinuerimus preter decimam terre que ultra rivulum sita est que ad ecclesiam beati Stephani Parisiensis pertinet Quod ne oblivione valeat deleri scripto commendavimus et ne a posteris valeat infirmari sigilli nostri karactere subter firmavimus Actum Parisius in palatio nostro publice anno incarnati verbi MCXXXIIII regni nostri XXVII concedente Ludovico filio nostro jam in regem sublimato anno III