Charter Document - 04850004
| Charter Number: | 04850004 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1134 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Ego Ludovicus Dei gratia Francorum rex notum fieri volumus tam presentibus quam futuris quod pro remedio anime nostre antecessorum nostrorum prece et assensu carissime uxoris nostre Adelaidis regine in perpetuum donavimus ecclesie et sanctimonialibus de Monte martyrum villas quasdam in pago Gastinensi videlicet Buxiacum et Mainbervillers et Merlanval sicutego eas tenneram cum omnibus appendiciis et justicia preter medietatem omnium reddituum et exituum quam Theoderico de Milliaco dederam Dedimus etiam eis terras quasdam quas emi a militibus meis scilicet a Roberto de Veriniaco terram de Herbauviller assensu uxoris sue Adeline que cognominatur Halca et Thome filii ejusdem mulieris Hanc venditionem laudavit Baldevinus de Firmitate de cujus feodo erat Decimam autem ejusdem terre vendidit michi Adam de Apulia quod laudavit Ferlo de cujus feodo erat Idem Ferlo vendidit michi medietatem Auxi de terra et de hospitibus et ultra quadrigatam unam terre de qua Ferlo nullam habet partem quod laudavit Mathildis uxor ejus et Bertrannus ejus filius et Evrardus de Firmitate Garsilius de Buno et Adam de Apulia dederunt mihi aream molendini in exona ad censum solidorum duorum quod laudaverunt Falco de Boscherello et Ferlo de Nantoil de quorum feodo erat Et Galerannus dedit sanctimonialibus duodecim denarios quos habebat in exclusationem quod laudavit Ferlo de Nantoil de cujus feodo erat Item dedit eis mansionillum de Nixart quod laudavit Gislebertus de Ruemunt et Alix uxor sua Huic concessioni vocavit Alix Aebardum procuratorem suum et Robertum filium Hugonis et Constantinum de Tresins qui omnes hoc laudaverunt Hec omnia tam libera et quicta sanctimonialibus concessimus utnihil nobis neque heredibus nostris neque ulli homini quicquam retinuerimus Quod ne valeat oblivione deleri scripto commendavimus et ne a posteris possit infirmari sigilli nostri auctoritate et nominis nostri caractere subter firmavimus Actum publice Parisius anno incarnati Verbi MCXXXIIII regni nostri XXVII regni Ludovici filii nostri anno tertio astantibus in palatio nostro quorum nomina sub titulata sunt et signa Signum Radulfi Viromandorum comitis et dapiferi nostri S Guillelmi buticularii S Hugonis constabularii S Hugonis camerarii Data per manum Stephani cancellarii