Charter Document - 04850002
| Charter Number: | 04850002 |
|---|---|
| Cartulary Title: | Recueil des chartes de l'Abbaye royale de Montmartre |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1133 |
| Date type: | Internal, A.D., Regnal |
| Resource Link(s): |
|
Charter:
In Christi nomine Ego Teobaldus prior beati Martini de Campis totusque ecclesie conventus notum fieri volumus tam futuris quam presentibus quatinus ecclesiam Montis martyrum cum suis appendiciis Ludovico Dei gratia Francorum regi et Adelaidi eadem gracia regine et Ludovico eorum filio jam in regem sublimato anno III ad hoc scilicet donavimus et concessinus ut eam sanctimonialibus Deo famulantibus donarent et perpetuo concederent donavimus etiam eis ad hoc idem capellam de sancto Martyrio et culturam Morelli et domum Guerrici cambiatoris sicuti eam habebamus et tenebamus Rex autem Ludovicus ecclesie beati Martini de Campis et nobis ecclesiam beati Dyonisii donavit et habendam perpetuo concessit Quod ut ratum et firmum permaneat in sempiternum scripto commendavimus et ne possit a posteris infirmari sigilli nostri auctoritate subter firmavimus Actum publice in capitulo beati Martini anno incarnati verbi MCXXXIII regnante Ludovico anno XXVII Signum Theobaldi prioris S Odonis subprioris S Gislemeri tertii prioris monachi S Petri a secretis S Manasserii a secretis