Charter Document - 04840040

Universis presentes litteras inspecturis Hugo de Meintenone miles filius defuncti Almarici militis quondam domini de Meintenone salutem in Domino Noveritis quod ego donatione ex jure facta inter vivos dedi in elemosinam et nomine elemosine concessi viris religiosis abbati et conventui Majoris monasterii Turonensis et monachis ejusdem loci apud Meintenonem Domino famulantibus totam aquam cum fundo ejusdem aque defluentem seu decurrentem a rivulo sive becco existente inter prata ipsorum monachorum et prata canonicorum ecclesie beate Marie Carnotensis Inter prata sive ortos dictorum monachorum usque ad ortos sive arcas que fuerunt Petri Alberici sitas prope domicilium ipsorum monachorum cum omni jure et dominio que in predictis aqua et ejus fundo quacunque ratione habebam et cum omni justitia ab ipsis monachis et eorum successoribus ex inde in perpetuum quiete et libere possidenda et habenda et quicquid juris in predictis aqua et ejus fundo habebam vel habere poteram seu debebam ratione possessionis et proprietatis et quacumque alia ratione ex nunc in ipsos monachos et eorum successores nomine monasterii predicti transfero penitus et expresse volens concedens quod dicti monachi et eorum successsores in predicts aqua et ejus fundo omne genus piscationis per eos vel per alios faciant et exerceant et de premissis suam de cetero faciant voluntatem Ita videlicet quod dicta aqua cursum suum sive ductum habeat de ripa ad ripam et quod non possit ab alveo suo diverti seu etiam removeri et quod dicti monachi non poterunt facere vel habere gurgitem sive gortum in aqua predicta sine licentia mea vel heredum meorum Sed omnia alia sibi necessaria in predictis aqua et ejus fundo poterunt facere dicti monachi prout voluerint et sibi visum fuerit expedire Verumptamen licebit piscatoribus meis vel heredum meorum ducere et reducere per dictam aquam naviculas suas absque contradictione aliqua non piscando vel pisces capiendo seu aliquid aliud ibidem nec aliquid dampnum dictis monachis alias inferendo nec aliquid preterquam dictum ductum et reductum navicularum eo modo quo dictum est retineo michi vel meis heredibus in aqua predicta vel fundo ejusdem Et promitto quod contra dictas donationem et concessionem vel contra premissa vel aliquid de premissis non veniam per me vel per alium in futurum Immo dictam aquam et ejus fundum garandizabo et defendam dictis monachis vel eorum successoribus in futurum me et meos heredes [] Tenentur siquidem monachi apud Meintenonem existentes facere de cetero annuatim in ecclesia beate Marie de Meintenone anniversarium defuncte Agnetis quondam uxoris mee et etiam meum anniversarium ex quo me migrare contigerit ab hac luce In cujus rei testimonium et munimen presentes litteras dedi dictis monachis sigilli mei munimine roboratas Datum anno Dommi MCCL mense Julio