Charter Document - 04840037
| Charter Number: | 04840037 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1256 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
[] Guillelmus dictus Gronniet miles [] Noverit universitas vestra quod cum prior de Methenone perciperet et haberet et predecessores ipsius perciperent et haberent a tempore cujus innicii non extat memoria duos sextarios bladi censualis apud villam que dicitur Petras ad mensuram ejusdem ville in festo sancti Remigii annuatim nomine elemosine assignatas super totam terram quam Hemericus de Gronnolio armiger et Johanna ejus uxor habent et possident in territorio predicte ville de Petris movente ex parte dicte Johanne de feodo meo Tandem dictus prior et dicti Hemericus et Johanna ejus uxor de assensu meo et Jaqueti filii mei primogeniti super premissis amicabiliter composuerunt in hunc modum videlicet quod dicti Hemericus et Johanna ejus uxor in recompensationem dictorum duorum sextariorum bladi annui redditus dederunt et in perpetuum concesserunt dicto priori et prioratui de Methenone quamdam peciam terre arabilis quam habebant et possidebant tanquam suam in territorio de Petris sitam juxta terras ipsius prioris et eisdem adherentem que pecia terre vulgaliter appellatur la Pointe Et quicquid juris habebant vel habere poterant in dicta pecia terre predicte dicto priori et ejus successoribus in perpetuum concesserunt et quitaverunt Volentes et concedentes [] Ego vero Guillelmus predictus miles de cujus feodo predicta pecia terre movebat predictam compositionem volo laudo approbo et eamdem confirmo in perpetuum Promitto quod per me [] Datum anno Domini MCCL sexto mense decembri