Charter Document - 04840033
| Charter Number: | 04840033 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1250 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Officialis curie Carnotensis salutem Noveritis quod coram nobis constitutus Herveus procurator clericorum chori ecclesie Carnotensis confessus fuit se recepisse nomine dictorum clericorum et habuisse in pecunia numerata a priore de Metenone centum et viginti libras Turonenses pro retractione decimarum de Moulu sitarum in parrochia de Petris et sex libras pro admodiatione dictarum decimarum pro anno Domini MCCXL nono Quas decimas dictus procurator confessus fuit dictum priorem retraxisse a dictis clericis pro centum et viginti libris supradictis et de dictis centum viginti libris et de dictis sex libris tanquam procurator dictorum clericorum quitavit dictum priorem coram nobis in futurum Datum anno Domini MCCL die Sabatti post festum beati Luce evangeliste