Charter Document - 04840031
| Charter Number: | 04840031 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1249 |
| Date type: | Internal, A.D., Feast |
| Resource Link(s): |
|
Charter:
[] Henricus archidiaconus Carnotensis [] Noveritis quod cum religiosus vir prior de Metenone nomine abbatis et conventus Majoris monasterii Turonensis cujus monasterii membrum est prioratus de Metenone retrahere vellet et retraxisset a clericis de choro ecclesie Sancte Marie Carnotensis pro centum et viginti libris turonensibus quamdam decimam que dicitur decima de Moullu sitam in parrochia ecclesie de Petris cujus ecclesie patronatus ad dictum monasterium Majoris Monasterii dignoscitur pertinere idem prior in nostra presentia constitutus obtulit presbitero predicte ecclesie de Petris quod ipse dictam decimam caperet et redimeret et retraheret si vellet in totum sive pro tercia parte Qui presbiter coram nobis respondit quod dictam decimam non retraheret vel redimeret et quod facultatem ad presens non habebat retrahendi eamdem nec eam ita de plano quitabat quin ipse vel successor suus qui pro tempore erit in dicta ecclesia dictam decimam possit tempore congruo retrahere vel redimere precio supradicto prius a dicto presbitero vel ab alio pro tempore in dicta ecclesia instituto qui predictam decimam retrahere vel redimere tempore congruo voluerit in solidum refuso priori de Metenone qui modo est vel qui pro tempore in dicto prioratu de Metenone fuerit institutus In cujus rei testimonium [] Datum anno Domini MCCXL nono die martis in crastino sinodi