Charter Document - 04840030
| Charter Number: | 04840030 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1249 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Officialis curie Carnotensis [] Cum contentio esset inter procuratorem clericorum de choro ecclesie beate Marie Carnotensis ex una parte et religiosos viros abbatem et conventum Majoris monasterii Turonensis et priorem de Metenone monachum predicti monasterii ex altera super quadam decima sita in parrochia de Petris que dicitur decima de Moullu quam decimam predicti clerici dicebant se emisse a Garino de Pedagio de Roberti curia Roberto dicto Cossart de Boutigniaco Jaqueto de Pratis de parrochia de Boutigniaco dicto priore pro se et pro dictis abbate et conventu Majoris Monasterii asserente predictos abbatem et conventum et se habere potiorem et meliorem causam tenendi dictam decimam propter hoc quod sunt patroni parrochie de Petris in qua dicta decima sita est et per plures alias rationes Tandem inter dictas partes pacificatum est in hunc modum videlicet quod procurator dictorum clericorum [] predicto priori totam predictam decimam et quidquid juris in eadem habebant ratione predicte emptionis seu quacunque alia ratione dimisit [] pro centum libris et sexdecim solidis parisiensibus solvendis [] infra octabas Sancti Remigii proximo venturas quinquaginta libras et infra octabas Natalis Domini subsequentes quinquaginta libras et sexdecim solidos quam summam pecunie clerici predicti solverant venditoribus Et promisit procurator predictus tradere priori de Metenone omnia munimenta seu instrumenta quecunque habent dicti clerici de emptione dicte decime In cujus rei testimonium et munimen ad petitionem procuratoris dictorum clericorum presentes litteras sigillo curie Carnotensis duximus roborandas Datum anno Domini MCCXL nono mense maio