Charter Document - 04840024
| Charter Number: | 04840024 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1248 |
| Date type: | Internal, A.D., Feast |
| Resource Link(s): |
|
Charter:
[] Officialis curie archidiaconi Carnotensis [] Noveritis quod in nostra presentia constitutus Theobaldus Chaillou civis Carnotensis confessus fuit sibi fuisse plenarie satisfactum de decem libris et sex solidis Carnotensibus quas Bartholomeus quondam prior de Metenone gagiaverat eidem Theobaldo prout in litteris curie Carnotensis vidimus contineri et quictavit priorem dicte domus et domum predictam de omnibus debitis contentionibus et querelis retrohabitis inter ipsum Theobaldum et domum predictam sive priorem dicti loci volens et concedens dictus Theobaldus quod si alique littere seu instrumenta aliqua invenerentur super aliquibus contentionibus seu debitis retrohabitis inter eos quod nullius essent momenti In cujus rei testimonium [] Datum anno domini MCCXL septimo die Sabbati post festum beati Hilarii