Charter Document - 04840001

Sepe et pene in omnibus terre finibus ex verbi apostolici sacra auctoritate personuit et doctor ille gentium in fide et veritate suavissime intonans saluberrime ammonuit dicens Dum tempus habemus operemur bonum ad omnes maxime autem ad domesticos fidei Scriptum etiam est et canonice affirmatum et a sanctorum patrum decretis justissimis dirivatum ut ecclesiarum fructus et altarium decime vel oblationes in illorum usus deveniant qui ecclesiis deserviunt ut fiat quod scriptum est Qui altario servit de altario vivit Et Dignus est operarius mercede sua Et in veteri testamento Non infrenabis os bovi trituranti Ac si apertius dicat Non tibi usurpabis que jure competunt Deo in ecclesia ministranti Hiis et multis aliis sanctarum scripturarum testimoniis auditis ego Mainerius filius Germundi filii Avesgoti et Elisabeth uxor mea remedium nostris animabus et parentum nostrorum providentes utile duximus monitis apostolicis obedire et quedam que secundum leges seculares juste possidebamus justius ut pote ecclesiastica Deo et Dei servientibus condonare Auctorizantibus itaque filiis nostris Amalrico et Willelmo et filiabus Mathilde et Agnete quin etiam Symone et Avesgoto fratribus meis damus Deo et beato Martino Majoris monasterii et fratribus in eodem loco Deo sub habitu monachili deservientibus ecclesiam sancte Marie de Mestenon que est intra muros ejusdem castri cum terra ad faciendas officinas monachorum et ad facienda viridia et ortos eorum insuper cum omnibus aliis rebus eidem ecclesie appendentibus tam ultra aquam quam et infra aquam Damus etiam eis ecclesiam de Orreia et totum cimiterium cum universis hospitibus in ipso commorantibus Decimam quoque ejusdem ecclesie et illam de Provectomonte illamque de Fontenellis simulque illam de Pratis Porro damus prenominatis monachis decimam de Sompneio cum illa de Mestenone decimam quoque vinearum nostrarum pacorumque et ovium necnon et de duobus furnis quos apud castrum Sparnonis habemus Damus eis per singulos annos X solidos ad emendum luminare predicte ecclesie Concedimus quoque eis decimas terrarum omnium hominum in eadem regione sub nostro dominio manentium Apud villam quam appellant Petras concedimus eis mansum Odonis granchias quoque et domos sitas prope ecclesiam sanctorum Gervasii et Prothasii Hec autem omnia ita quiete et libere damus eis atque concedimus sicut ea usque ad hanc diem habuimus Hujus rei testes sunt Raherius de Hanchis Willelmus de Luxovilla Paganus de Cangeto Hubertus filius Rohardi Gofredus filius Macoardi Fulco de Mestenone Girbertus Calsegist prepositus Erardus de Mestenone Fulbertus major Robertus Cangeel frater Fulconis Mainerius Rufus Anschitillus presbiter de Sancto Petro Germundus presbiter de Sancto Gervasio et Prothasio Bernardus capellanus Drogo prior Radulfus monachus Robertus monachus de Ambianensi civitate Stephanus monachus de Bello Loco