Charter Document - 04830115

A tous [] Nicole de Craffort escuier licentié en lois seigneur de Néron bailli d'Espernon salut [] par devant Estienne Chavanne clerc tabellion en la ville et baronnie d'Espernon pour haut et puissant seigneur Mgr le duc de Vendosmois pair de France baron d'Espernon [] Michel Moreau [] prieur de Saint Thomas d'Espernon [] confessa avoir baillé à lettre de cens dès maintenant jusques à quatrevingtdixneuf ans ensuivans [] iceulx cens portans lots gants ventes défauts et amendes à Simon le Bouvyer marchand demourant au Bois Dieu paroisse d'Hermeray et à Denis et Guillaume Les Bouvyers ses enfants [] trentesept arpens en friche gaudrons buissons et non valeur au terrouer appellé le Bois Dieu distant dudit Espernon d'une lieue et demie juste d'une part aux taillis Mgr d'Espernon d'autre au chemin de Poignies à la Croix aux Bouvyers d'un bout aux terres de Chausseures appartenans au seigneur de Rambouillet et d'autre à Maitre Mathurin Poitremot et Jehan Duguet [] moyennant la somme de quinze deniers tournois par arpent [] et de payer des grains venans desdites terres de douze gerbes l'une pour tout droit de dime et champart [] Donné soubs le scel aux contracts de la chatellenie d'Espernon en présence de Mathurin Lejay et Jehan Lestormy tesmoins à ce requis le douzième jour d'octobre l'an mil cinq cens trente sept Ces présentes seront pour ledit prieur