Charter Document - 04830101

A tous ceulx qui ces présentes lettres verront Florent seigneur d'Illiers chevalier conseiller et chambellan du Roy nostre sire et son bailli à Chartres salut Savoir faisons que par devant Macé Godefroy clerc tabellion juré du Roy nostre sire à Chartres vint et fut présent Estienne Cochon demourant à Changé paroisse de Saint Piat lequel congnut et confessa lui devoir à frère Clément de Saint Lomer prieur d'Espernon la quantité de trois septiers de blé bon et convenable par composition faicte entre eulx pour sa part et porcion des arréraiges du temps passé de demi muy de blé de rente que Crespin Le Maire de Grougneul en son testament et derrenière voulenté donna et laissa à l'église de Saint Thomas d'Espernon prins assis et assignez par chascun an au terme de Saint Estienne lendemain de Noel sur ung habergement et appartenances assis à Grougneul et sur une pièce de pré nommé le pré des Clouseaux et sur dix septiers de terre labourable assis audessus du petit freiche et généralement sur tous les autres héritaiges et biens meubles quelconques dudit feu Crespin si comme ledit debteur confessa et dont il se tint à bien content Laquelle quantité de trois septiers de blé pour la cause dessus dite ledit debteur promist et gaigia par la foy et serment de son corps rendre et paier audit terme ou au porteur de ces lettres dedens la Toussaint prouchain venant avecques tous coustz fraiz [] Donné soubs le seel de la chastellenie de Chartres le vendredi treiziesme jour de juing l'an mil CCCC soixante