Charter Document - 04830084

Nous Pierre Le Bigot escuier et damoisèle Perronnelle de Chadon sa fame faison assavoir à touz que nous pour l'onour de dieu et de nostre dame et le salut de nos âmes et de nos amis voulons et ottroions que les religieux de Saint Thomas d'Espernon de l'ordre de Maremoustier tiengnent dèshors en avant à touzjours més sans estre contrains de nous ne de nos successeurs à meistre hors de leur mains la disme de La Blanche assise ou terrouer de Savonnières jouste Espernon laquelle disme est tenue de monseigneur Enjorgier d'Amboize chevalier et sire de Chevreuse Laquelle dismes nous amortissons tant comme à nous touche et puet toucher Obligons quant à ce nous nos hoirs [] En tesmoing de ce nous avons scellées ces lettres de nostre propre seel [] Donné le jour de la conversion S Paul l'an de grâce mil CCC trente et huict