Charter Document - 04830056
| Charter Number: | 04830056 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1255 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Universis presentes litteras inspecturis Margarita relicta Roberti Le Rooillée quondam militis salutem in Domino Noverit universitas vestra quod ego teneo et tenere debeo a priore et prioratu de Sparnone quamdam aream sitam apud Megornas in censiva et dominio dicti prioris et ego et heredes sive successores mei tenemur et debemus reddere annuatim pro dicta area duos denarios et obolum nomine census in festo Sancti Remigii dicto priori vel ejus mandato ita etiam quod nos dictam aream ad supercensum sine licentia et voluntate dicti prioris tradere non possumus vel debemus Nec ego nec successores mei predictam aream aliquando ad supercensum tradidimus set ad firmam sive ad modiationem tantum usque ad certum terminum quamdiu michi placuerit et viderim expedire In cujus rei testimonium et munimen presentes litteras sigilli mei munimine roboravi Actum anno domini millesimo CCL quinto mense novembris