Charter Document - 04830050
| Charter Number: | 04830050 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1248 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis Johannes de castello Sancti Leodegarii in Aquilina et Petrus Sancti Thome de Sparnone presbiteri salutem in Domino Noveritis quod nos super contencionibus habitis inter religiosas priorissam et conventum de Alta Brueria ex una parte et priorem Sancti Thome de Sparnone ex altera de quibus contencionibus compromissum est in nos Johannem et Petrum tanquam in arbitrios et in venerabilem virum Odonem decanum Medontensem si nos duos in unum concordare non possemus pro ut in litteris sigillis nostris sigillatis plenius continetur de communi tractatu et assensu habito inter nos Johannem de Sancto Leodegario et Petrum Sancti Thome de Sparnone presbiteros die jovis ante festum Sancti Thome apostoli continuata a die mercurii precedenti partibus presentibus arbitrium nostrum protulimus in hunc modum et pro bono pacis ita ordinamus inter partes quod predictus prior de Sparnone et alii priores dicte domus et prioratus corum super impeticione dictarum priorisse et conventus de Alta Brueria quietum ad minagium sive ad havagium de quo fit mencio in litteris predictis super dicta compromissione confectis sint amodo absoluti liberi et immunes et quod dictum minagium sive havagium percipient de cetero pacifice et quiete predictus prior de Sparnone et alii priores in dicto prioratu pro tempore instituti in nundinis illis quas dictus prior de Sparnone et monachi ejusdem loci habent in burgo Sancti Thome de Sparnone Prenotate vero priorissa et conventus de Alta Brueria quamdam aream sitam apud Vinarvillam de qua similiter erat contencio inter dictas partes amodo tenebunt a dicto priore de Sparnone et ab aliis prioribus in dicto prioratu constitutis et a prioratu predicto ad censum quatuor denariorum et obol Carnotensis monete in festo beati Remigii in dicto prioratu de Sparnone reddendorum et arbitrium predictum sive ordinacionem predictam volumus et precipimus sub pena quadraginta librarum apposita in dicto compromisso teneri a partibus et inviolabiliter observari In cujus rei testimonium et munimen presenti scripto sigilla nostra duximus apponenda Actum anno domini millesimo CCXL octavo die jovis predicta ante festum beati Thome apostoli