Charter Document - 04830049
| Charter Number: | 04830049 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1248 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
Universis presentes litteras inspecturis M Dei gratia Fontis Ebraldi humilis abbatissa salutem in Domino Noveritis quod nos in compromissione facta in venerabilibus viris Johanne de Sancto Leodegario in Aquilina Petro de Sparnone presbiteris et Odone decano Meduntensi a priorissa et conventu nostro Alte Bruerie ex una parte et priore et conventu Sancti Thome de Sparnone ex altera dicte priorisse pro se et conventu suo Alte Bruerie damus potestatem et liberam facultatem constituendi procuratorem in causa compromissi coram predictis arbitriis quocienscunque dictam priorissam abesse contigerit et viderit expedire damus etiam procuratori ab eadem priorissa substituto in eadem causa dicti compromissi potestatem vitandi faciendi positiones et responsiones et omnia quecumque verus procuratore de jure potest facere secundum tenorem litterarum continentium formam predicti compromissi in quibus predicti arbitrii sigilla sua fecerunt apponi Datum apud Fontem Ebraldi die veneris ante Nativitatem beate Marie Virginis anno gratie MCCXL octavo mense septembris