Charter Document - 04830039
| Charter Number: | 04830039 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1243 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis Officialis curie Carnotensis salutem in domino Noverint universi quod cum contentio esset coram nobis inter religiosum virum priorem Sancti Thome de Sparnone ex una parte et Yvonem Esperel ex altera super eo quod idem prior dicebat dictum Yvonem eidem priori intulisse injuriam intrando violenter et contra voluntatem dicti prioris quamdam domum sitam in censiva dicti prioratus de Sparnone et ejiciendo res hospitis quem dictus prior posuerat in eadem domo [] Tandem dictus Yvo per se personaliter comparens et magister Johannes de Nogento clericus pro dicto priore compromiserunt in nos promittentes fide media et sub pena unius marce argenti quod dicte partes firmiter et fideliter observarent quicquid super dicta causa [] Nos per arbitrium nostrum diximus et injunximus dicto Yvoni quod ipse exiret de dicta domo et res suas ab ea removeret et quod gagiaret emendam dicto priori pro dictis injuriis eidem priori illatis secundum quod nos dictam emendam voluerimus estimare Datum anno domini MCCXL tertio die veneris proxima ante festum Saucti Arnulphi